ແມ່ ທຳມາລາ  ເປັນໜຶ່ງແມ່ ໃນ ບ້ານ ຊ່ວຍເຫຼືອເດັກນ້ອຍ ເອັສໂອເອັສ ປາກເຊ ທີ່ໄດ້ອຸທິດເຫື່ອແຮງ ແລະ ຈິດວິນຍານເຂົ້າໃນການລ້ຽງດູເດັກໃນໂຄງການ. ແມ່ ທຳມາລາ ອໍາຄາວົງ ເກີດເມື່ອວັນທີ  06 ທັນວາ 1973 ແລະ ມາເຮັດວຽກຢູ່ບ້ານຊ່ວຍເຫຼືອເດັກນ້ອຍ ເອັສໂອເອັສ ປາກເຊ ເມື່ອວັນທີ 30 ເມສາ 1997 ເປັນແມ່ຄອບຄົວທີ່ 10 ໂດຍໄດ້ຮັບຂ່າວສານຈາກທາງວິທະຍຸ ແລະ ຊັກຊວນຈາກໝູ່ເເພື່ອນ. ແມ່ ທຳມາລາ ຮຽນຈົບ ສາຂາວິຊາ ຄອມພີວເຕີ ແລະ ເປັນຄົນທີ່ມັກເດັກນ້ອຍ. ແມ່ ທຳມາລາ ເປັນແມ່ ເອັສໂອເອັສ ປີ 1997-2013, ເປັນເວລາ 16 ປີ ທີ່ ແມ່ ທຳມາລາ ໄດ້ອຸທິດເຫື່ອແຮງ, ໃຫ້ຄວາມຮັກ, ຄວາມອົບອຸ່ນ ແລະ ຄວາມຜູກພັນ ໃຫ້ແກ່ ລູກໆຂອງລາວໃນຄອບຄົວ ເອັສໂອເອັສ, ລາວ ລ້ຽງດູລູກ ໄດ້ 3 ລຸ້ນ ກ່ອນ ຕັດສິນໃຈ ໄປສ້າງຄອບຄົວຂອງຕົນ. ຊ່ວງເປັນແມ່ ເອັສໂອເອັສ ແມ່ ທຳມາລາ ເປັນຄົນມີຄວາມຮັບຜິດຊອບສູງ ແລະ ກໍບໍ່ເປັນເລື່ອງແປກເລີຍ ເພາະຜົນລະປູກ ກໍ່ຄືລູກຂອງລາວ  ທີ່ລາວລ້ຽງດູມາ, ເດັກນ້ອຍເຫຼົ່ານັ້ນ ຕ່າງກໍ່ປະສົບຜົນສໍາເລັດໃນຊີວິດ, ມີວຽກເຮັດງານທໍາ ແລະ ເປັນຄົນດີໃນສັງຄົມ.  ມີໜື່ງສິ່ງທີ່ແສນປະທັບໃຈ ແລະ ຫາອັນປຽບບໍ່ໄດ້ ໃນຄວາມເສຍສະຫຼະ ຂອງແມ່ ທຳມາລາ ທີ່ໂຄງການ ບ້ານຊ່ວຍເຫຼືອເດັກນ້ອຍ ເອັສໂອເອັສ ລາວ ມີຄວາມຊາບຊື້ງ ແລະ ຮັບຮູ້ເຖິງຄວາມເສຍສະຫຼະ ຂອງ ແມ່ທຳມາລາ ໃນຄວາມຮັກແພງ ແລະ ສາຍພົວພັນຂອງລາວທີ່ມີຕໍ່ລູກໆພາຍໃນຄອບຄົວຄື: